قصة القطة العميا

القطة العامية

إتفاجأت بمراتي النهاردة بتحط من لبن البنت لقطة عامية شوفتها واقفة قدام باب الشقة قبل ما أمشي على الشغل الصبح وحاولت أمشيها بأي طريقة ممكنة لكن معرفتش،

زعقت فيها قولتلها يعني أنا قاعد شايل الهم هجيب فلوس منين لعلبة اللبن لما تخلص وإنتي بتحطي منه للقطة، إيه الإستهتار ده..

وبصراحة لإني كنت لسه راجع من الشغل ومكنتش طايق نفسي كلمتها بمنتهى القسۏة لدرجة إني قولتلها مش كفاية إنك مبترضعيش

عيطت وقالتلي لن تنالوا البر حتى تنفقوا مما تحبون يا أحمد، قولتلها الناس دلوقتي أولى بأي نفقة قالتلي الناس تقدر تنزل تشتغل وتقدر تنزل تشحت وتقدر تعمل أي حاجة عشان متنامش بدون عشاء

لكن القطه دي صعب تعمل كده وخاصة لإنها عامية، قولتلها ولبن الطفلة ماله ومال اللي بتقوليه ده، وبعدين أي حد غيرنا يتولى مسؤليتها قالتلي طالما قصدت بيتنا إحنا ملزمين بيها وإحنا اللي أحق بالثواب من أي حد ومسمعتش كلامي ونفذت اللي في دماغها، فإتقمصت منها وفضلت مخاصمها طول النهار لدرجة إني نزلت إتعشيت مع أمي تحت وسيبتها تتعشى لوحدها وجيت حتى من تحت على النوم علطول بدون ما أكلمها فلقيتها بتصحيني دلوقتي وهى بټعيط، قومت مڤزوع لا يكون حد فيهم تعبان ولا حاجة، إتفاجأت بإنها قاعدة بترضىع البنت بعد إنقطاع اللبن في صىدرها لمدة شهرين كاملين !!

حول ولا قوه الا بالله العلي العظيم

استغفرك ربي واتوب اليك

اللهم صل وسلم وبارك على سيدنا محمد وعلى اله وصحبه وسلم