العيدية
العيدية
جوزي عطى اخواته وسلافي عيديه وانا لأ والسبب صدمني احنا بنتجمع في بيت حماتي اول يوم العيد جوزي عنده تلات اخوات بنات بعيالهم واتنين اخوات صبيان بعيالهم هو انا اه جوزي الوحيد اللي مرتاح فيهم ماديا دون عن اخواته بس يا استاذه غاده هل ينفع يوزع عيديات على الكل وانا لا انا عيزاكي تعرضي مشكلتي طبعا صدمني لما كلنا قاعدين في الصاله وهو وزع عيديات حتى على عيال بنت اخوه اللي لسه رضع ميفهموش في العيديات المهم لما دخلنا الاوضه بتاعتنا انا بكلمه والله بصنعه لطافه وبهزار بطريقه فيها دلع ده احنا عيد بقى بقوله يعني عطيت الكل ونسيت مراتك حبيبتك لاقيته بصلي كده وقام حالف وقالي والله العظيم انا ما حديكي عيديه قولتله ليه بقى قالي عشان انتي عارفه انا بديهم عيديات عشان هم غلابه وانا بساعدهم كده بس بطريقه غير مباشره وانا قايلك ومفهمك كده وانتي متستحقيش عشان انا بصرف عليكي وطبعا كان موطي صوته انا بقى اتغاظت منه مش عشان عطى لاخواته لا عشان حلف بالعظيم انه مش حيديني ولو فتحت بؤي حبقى طالق انا الصراحه مسكتش خرجت عليهم وصوتي عالي وانا بقولهم يعني انت مرضتش تديني عيديه عشان هم غلابه ويستحقوا طبعا الكل بص كده وبلم لاقيت حماتي بتقول لا يا حبيبتي ده فرض عليه انه يدينا وايه اللي مراتك بتقوله ده لو سمحت خد مراتك وروحوا واحنا طبعا في بلد في الفلاحين لاقيت جوزي اخدنا والعيال وراح وداني لبيت ابويا وسبني حكيت لاهلي غلطوني على تصرفي وتصرفه بس هل انا كده غلطانه وايه اللي ممكن يحصل بعد كده واحنا في ايام ذي كده بس ارجوكم بلاش نقد وياريت كل ست تحط نفسها مكاني حتعمل ايه لو حصل معاها كده انا فعلا حزينه
