كيد النسا

كيدالنسا 
أنا ساكنة مع حماتي وحمايا في بيتهم من ساعة ما اتجوزت وبناتهم السبعة كلهم متجوزين وبيوتهم قريبة مننا
كل يوم ييجوا عندنا هما وأزواجهم وعيالهم وما يرجعوش بيوتهم غير آخر الليل بعد ما ياكلوا ويشربوا ويشبعوا كمان
قولت لجوزي مليون مرة عايزين نسكن لوحدنا قالي مستحيل 
يعني حياتي كل يوم أصحى من النوم الساعة خمسة الفجر وأبدأ أنضف وأطبخ
ومن يوم ما اتجوزت ما نمتش قيلولة إلا مرتين في حياتي
الغدا بطبخه في حلة الولائم عشان العدد المهول وما بطلعش من المطبخ غير لما الساعة تبقى ١٢ بالليل
ساعات ألاقي جوزي مستنيني وساعات كتير ألاقيه نام
تعبت أوي وهو ولا بيهش ولا بينش 
لحد ما في يوم عملت فيها ممثلة جبت طشت مي باردة وكبيته في الحوض على أساس إن دي مي سخنة بتغلي وقعدت أص رخ وأقول أنا بريئة أنا بريئة مش أنا اللي قټلت عيالك
وجريت على أوضة حماتي وبدأت أكسر وأصرخ... والله قلبي برد كل الكبت اللي جوايا طلع مرة واحدة لحد ما طلعوا كلهم من البيت وهم فاكرين إني اتلبست بجني 
حمايا حط إيده على دماغي وبدأ يقرا قرآن وأنا قاعدة أعيط ومن جوايا بمۏت من الضحك 
جابوا لجوزي راقي عشان يرقيني... قعد يقرأ وأنا مغمضة عيني وأقول لهم النهاردة هقتلكم وأقول أسامي بنات حماتي واحدة واحدة 
الراقي قرب عليا بصيتله وقلتله هحرقلك دقنك النهاردة قام جري وقالهم الجن كافر 
الليلة دي كلها مشيوا على بيوتهم ولأول مرة من ساعة ما اتجوزت أصحى الساعة عشرة الصبح 
ولقيت حماتي جاية تبص عليا أول ما بصيتلها جريت وبعتت مع جوزي القهوة والفطار ههههه
جابوا لي راقي تاني دخل عليا قمت نطيت عليه عشان أهجم عليه هرب برضه جابوا تالت أسنانه مفشوخة ولسانه بيطلع من سنانه اڼفجرت ضحك قالهم دي ماسكها قبيلة جن ولازم راقي تقيل 
جابولي واحد تاني قالي أوامرك يا جن قولتله أنا مبعوث وبيتي ده اتقتلوا فيه عيالي ولو الست اللي رمت المي السخنة ما خرجتش من البيت هولع فيه كله
دلوقتي بقالى أسبوع نايمة في أوضتي ملكة والأكل بيجيلي لحد سريري 
وبنات حماتي ما حدش فيهم بييجي عندنا بالعكس بيطبخوا في بيوتهم ويبعتولي عشان ما أحرقهمش 
وبكرة إن شاء الله هنقل على بيت جديد لوحدي... باركولي بقى يا جدعان