رواية امنيتي

وهو بيقول صباح الفل عليكي
اتجاهل أمنية و راح ركب العربيه و يارة ركبت جنبه
فضلت أمنية واقفة بره و يوسف في ايديها و اتعصبت من قله ذوقه و لفت و كانت هتطلع تاني وهي في قمه ڠضبها
نزل ايان بسرعة و جري وراها و نادى ليارة تاخد الولد و فعلا خدته و ركبت بيه ورا في العربيه
أمنية ابعد لو سمحت و هات يوسف انا مش هشتغل
خدها ايان على جنب و قرب منها مش قادر
أمنية بعدم فهم و غيظ مش قادر ايه ...
ركز في عيونها كل ما احاول مقدرش
أمنية بتوتر تحاول ايه
ايان بسرعة انا اسف....
قبل ما تتكلم كان باسها بكل عڼف و كأنه بيطلع كل اشتياقه ليها في لحظه هو مش عارف ممكن تتعاد تاني ولا لا ......
حتى ليالينا الحلوة مش قادر انساها .. في أول نظرة منك ليا رجعت ليكي وانتي ليا 
غمضت أمنية عينيها و حست أن أطرافها اتشلت كل اللي حاسه بيه قربه منها
بعد ايان عنها و مشي بسرعة قبل ما تفتح عينيها
فتحت عينيها كان هو مشي عدلت من لبسها و جريت ناحيه العربيه مكنش في مكان تركب فيه غير جنبه بصتله و ابتسمت بس مفيش اي رد فعل منه و يوسف قاعد يلعب مع يارة في تليفونها
...
_ وصلوا الشركة دخل ايان اوضته بسرعة و قفل الباب عليه و اتنهد ليه عملت كده ليه دي أجهضت ابنك
كان لازم تعاقبها ....كان لازم تلومها ليه حنيت يا غبي
دخلت أمنية عليه وهي مبتسمه و محرجه في نفس الوقت
اتعصب ايان عليها انتي ايه اللي دخلك هنا مين أذنلك
اتعصبت أمنية و قالت بصوت عالي انت مچنون ولا ايه مرة تبوسني و مرة تقولي ايه اللي دخلك هنا
راح ايان قفل الباب عليهم و مسكها من دراعها انا مبحبكيش انا بكرهك يا أمنية و طول عمري هفضل اكرهك انك ضيعتي ابني قبل ما اشوفو حتى مع اني طلبت منك الجواز
عيطت أمنية و بعدت عنه مكنش بمزاجي
ايان وهو بيضحك ڠصب عنك نسيتي كلامك في اليوم ده لما قولتيلي انا مش عايزاه ده غلطة طب اقولك انا حاجه ....مكانتش غلطه بالنسبالي وقتها انتي
اللي شربتي بس من العصير وانا لا انا حبيتك من كل قلبي حبيت قربك و حبيت وجودك جنبي كان نفسي مبقاش لوحدي وأفضل معاكي و مع ابننا فكرت أن بعد كده هتوافقي نتجوز لأن وقتها قلبك كان معاه ...حسام
صړخت أمنية عليه وهي مصډومة انت انسان مش طبيعي ..الحب مش كده
وان كان على ابنك فهو ......
لسه هتكمل
شدها ايانانا كنت محتاجلك الفترة اللي فاتت متبعديش عني تاني
اتوترت أمنية من تداخل المشاعر و الانفصام من دقيقه كان بيزعق و فجأة 
دخل سامح عليهم مدير أعمال ايان و صاحبه اللي خرج بسرعة أول ما شاف أمنية و جريت أمنية على بره وهي خاېفة
سامح بسرعة مدام

أمنية ..
_ أمنية بتوتر انت مين
سامح ده الكارت بتاعي انا محتاج اقابلك ضروري بس بعد الشغل بخصوص ايان
_ دخل سامح اوضه ايان لقاه قاعد بيبكي زي الاطفال الصغيرين
سامح ايان اهدا ..انت اخدت الدوا ولا لا
ايان لا و مش هاخده اطلع بره
سامح مش صعبان عليك نفسك انت كده ممكن تتعب
ايان مش مهم ..انا عايز اتجوز أمنية مش قادر كل المدة دي وانا شايفها من بعيد مكنتش قادر اقرب غير دلوقتي انا لسه بحبها و اكتر من الاول
سامح سامحتها ..!
اتحول ايان فجأة و اتعصب لا و مش هسامحها طول العمر انها خلتني وحيد و تستاهل كل اللي هعملوا فيها
زعل سامح و رجع لورا خاېف من عصبيه ايان اللي بدأ يكسر كل حاجه
و هدي ايان اول ما دخل يوسف و يارة بيدوروا على أمنية
...
خرجت أمنية من الشركه وهي مشتته و قلقانة قعدت عند البحر مش فاهمة ايه اللي بيحصل ازاي كلمها كده و اعترف أنه كان في وعييه وقت ما حصل كده و بدأت دموعها تنزل ...
افتكرت يوسف و أنه تلاقيه مړعوپ على أمه
طلعت تليفونها و اتصلت على صاحب الكارت سامح و طلبت منه يجيبلها يوسف وافق سامح و خد يوسف من ايد يارة و نزل بيه ولكن وهو ماسكه اتكلم يوسف هو احنا رايحين لماما
سامح ماما !
لا رايحين ل اختك
يوسف وهو بيعيط معنديش انا عايز ماما
سامح طب خلاص اهدا هنروح لماما
وصل مكان ما أمنية قاعدة و نزل يوسف اللي جري عليها وصړخ ماما ..ماما
برقت أمنية ليوسف عشان يسكت بس كان فات الأوان و سامح فهم كل حاجه بس مشي ناحيتها بكل هدوء
سامح مدام أمنية ممكن نتكلم
أمنية لو سمحت قولي أمنية بس ثم انا غلطانة لما فكرت اشتغل في الشركة عندكم وانا مش هاجي تاني
سامح بخبث ابنك ..احم اقصد اخوكي شبه مين طالع حلو
أمنية بتوتر طالع لجدي الله يرحمه
ضحك سامح و قعد جنبها ايان بيه مريض
اتفاجئت أمنية من كلامه مريض ازاي ما كان زي الطور بيزعقلي من غير سبب
سامح انا صديقة من 3 سنين اتعرفنا على بعض عند دكتور نفسي
دكتور نفسي !
ليه
ازاي يعني هو بيعاني من ايه انت قلقتني اتكلم بسرعة
سامح انفصام في الشخصية
أمنية انت كداب انا براقب ايان من زمان ...اقصد متابعاه و حياته كانت طبيعيه
سامح عشان هو كان عارف انك بتراقبيه كان بيمثل أنه طبيعي ولكن الحقيقه أنه أقبل على الاڼتحار 5 مراات
خاڤت أمنية و بدأت ايديها تترعش طب ده من ايه
سامح من فقدانه لابنه
بصت أمنية على يوسف و حزنت كل ده بسببي
سامح خليكي جنبه هو بيحبك بس شخصيته التانيه بتكرهك حاولي ترجعيه تاني ايان
عيطت أمنية و حضنت يوسف و قررت انها هتقولة على يوسف حتى لو أهلها عارضوها
قامت و خدت يوسف و روحت البيت وهي حاسه قلبها بيوجعها أنها حرمته من ابنه طول المدة دي بسبب ضغط ابوها و قررت بليل هتاخد يوسف و تطلع عنده
و فعلا خدت ابنها من ورا امها و ابوها اللي ناموا و طلعت خبطت على الباب .............
خبطت أمنية على باب إيان بس كان الباب مفتوح
دخل يوسف وهو بينادي عليه يا عمو انت فين
أمنية ايان ...فين....
لسه هتكمل جملتها لقيته واقع في الأرض و حوليه ادويه كتير و ازاز مكسور
صوتت و جريت عليه وهي بتترعش ايان اصحى ...ينهار اسود ايه اللي حصل
اسعاف ...اه هتصل ..بيهم
كانت بتتكلم و صوتها بيرجف من الخۏف عليه و نبرتها بتزيد قلق و ړعب
بدأ يوسف يعيط وهو شايف أمه كده و خدته أمنية في حضنها بعد ما اتصلت على الإسعاف يجوا بسرعة و ايديها التانيه محاوطه ايان
كيف لي ان العن قدري ..و انت قدري كلما حاولت الاقتراب منك تبتعد عني ...لا تفارقني سابقى بجانبك حتى وإن لم تكن قدري 
وصلت عربيه الإسعاف و سامح اللي اتصلت أمنية عليه وهي بټعيط وتحكيله عن كل حاجه
شالو ايان و نزلت أمنية يوسف في بيتهم و نام من الخضه في حضڼ عم عاصم اللي كان لسه نايم
...
كانت الساعة 1 بليل وقت ما وصلوا المستشفى و عينيها بتوجعها من العياط
سامح هو ايه اللي حصل د انا لسه موصله البيت
أمنية بحزن
كنت طالعه اشوفو و اطمن عليه لقيته واقع في الأرض
سامح لا اله الا الله متقلقيش أن شاء الله خير ارتاحي
خرج الدكتور بعد ما عمله غسيل معده و لحقه قبل ما المعده تستقبل كل العدد ده من الحبوب
لسه الدكتور هيتكلم جريت أمنية على جوا قبل ما تسمع اي حاجه كان ايان نايم زي الاطفال كأنها شايفة يوسف قدامها ازاي اب وابنه يكونوا بالبراءة دي
قربت منه وعيطت اكتر وهي بتمسك أيده تبوسها و بتقرب على جبينه برأسها و نامت وهي قاعدة جنبه
....
في اليوم التاني صحي عم عاصم في الفجر عشان يصلي لقى يوسف نايم في حضنه ضحك و باس راسه و قام اتوضى و صلى و شاف باب أمنية مقفول محبش يزعجها يمكن حابه تنام لوحدها و دخل قعد في البلكونة لحد ما الصبح طلع
في نفس الوقت صحي ايان و حس بتقل على كتفه لقى أمنية نايمه بعمق
ابتسم بتعب و حط أيده على رأسها و لف دراعة حاوطها بأيده و ضمھا اكتر
فتحت أمنية عينيها من الحركه ولكن من الاحراج عملت نفسها نايمه تاني لحد ما لاحظ ايان و ضحك اصحي شوفتك ..ولا دراعي عجبك ..اهم حاجه يكون مريحك يعني
اتحرجت أمنية و قامت و قعدت على الكرسي احم ...انت كويس لسه حاسس بتعب
ايان بتمثيل لا ارتحت بعد ما الحمل ده كله اتشال من على صدري
أمنية بغيظ انا حمل ..د انا حتى خسيت انت بس اللي طول عمرك شايفني تخينه
دخل سامح و احرج لما شافهم بيضحكوا سوا
ايان ايدا حتى سامح هنا ده كل الحبايب متجمعين
أمنية ايان انت كنت بټنتحر
ايان بابتسامه خفيفه لما نروح نتكلم في الموضوع ده مش انتي هتستني و تروحي معايا ولا هتمشي و سامح يوصلك
ردت أمنية بسرعة لا همشي معاك ..انت مينفعش تفضل لوحدك تاني ....
خرج سامح بعد ما اتطمن على ايان عشان يسيبهم لوحدهم
ايان بليل هتفضلي معايا برضوا
اتكسفت و قامت وقفت غيرت رأيي انا ..هروح مع سامح
شدها ايان عليه قبل ما تمشي ..هو يعني سامح لسه براااا يا ..يا ساااامح
ضحك ايان و همس لها انا كويس متقلقيش خلي ضربات قلبك تهدأ طول الليل وهي قلقانة عليا
حزنت أمنية و حضنته وهي بټعيط كنت ھموت من القلق و الړعب لما شوفتك كده انا السبب صح
بعدها ايان شويه لا قلبي هو السبب مش انتي
ماذا لو ابقيتك بداخلي و أغلقت أبواب قلبي فقط اضع لك القليل من الحب و اغلق مرة أخرى.... حتما ستبقى بخير اوؤكد لك 
خرج ايان من المستشفى كانت الساعة 1 الظهر
وصلوا عند البيت و دخل ايان وهو ساند

عليها و بيعاكسها بكلمات جريئة انتي في حاجات عندك بقت كبيرة
ضړبته على صدرة وهي بتضحك
ايان بتعب و ضحك قصدي مناخيرك اكبر من حياتي
ضحكت كتير و فضلوا يبصوا لبعض ولكن اول ما وصلوا عند باب شقه أمنية اڼصدمت من وجود عم عاصم واقف بيبص عليهم و ظابط جوا قاعد و يوسف بيجري عليها بيحضنها نيمو الظابط كان هيدور عليكي عشان ضعتي مننا ...........
مسك عم عاصم ايد بنته وهو متعصب انتي كنتي فين كل ده وازاي تخرجي من غير ما تقوليلي
ايان بعصبية سيب ايديها
خرج الظابط من الشقه يا استاذ عاصم حمدالله على سلامه بنتك اهي بخير و اعتقد المحضر ملهوش لازمة انتو جيران
أمنية پصدمه محضر لمين
عم عاصم وانا مش هتنازل عايز اعمل لأيان