دخل المستشفى مسرعا الجزء1-6

منهم يا وائل 
وائل غاضب بشدة .. وانا عاوز اعرف الحقيقة .. انتي خونتيني ولا لا ! اتكلمي يا مريم .. الكلام اللي انا قولتهولك امبارح صح ولا لا اتكلمي يا مريم
مريم تنتفس بسرعة ولا تستطيع الكلام .. 
وائل يشعر ان مريم بدأت تفارق الحياة 
وائل منزعجا .. اتكلمي بسرعة ارجوكي .. انتي خونتيني يا مريم ولا لا ! 
مريم تبكي ثم تقول .. سامحني يا وائل .. ارجوك تسامحني 
بعدها تفارق الحياة مباشرة وتصفر الاجهزة الموصولة بها وتدخل الممرضة مسرعة تحاول انقاذها وتطلب من وائل مغادرة الغرفة 
الممرضة .. من فضلك اطلع برة لو سمحت 
ويدخل الطبيب يحاول انقاذ مريم مستخدما جهاز الصدمات ووائل يراقب الموقف في ذهول ولسان حالة يقول يارب تعيش ..ويحاول الاطباء انعاش قلبها ولكن دون جدوي .. ويخرج الجميع من الغرفة وهم في حالة من الحزن والاسي وتدخل الام والاب ېصرخون ويولولون علي مۏت مريم 
وائل .. ليه بس يا مريم تعملي فيا كدا ! ليه ټموتي قبل ما تقوليلي الحقيقة .. ليه ! 
ومن هنا تبدأ رحلة وائل في البحث عن الحقيقة .. 
صباح الخير 
الجزء الرابع 
جزء طويل اهو عشان خاطركم لو في تفاعل كبير هنزل الخامس
وائل حزين جداا لا يغادر عرفته ابدا وفجأة يطرق باب الغرفة والطارق صديقة وشريكة نادر 
وائل .. مين 
نادر .. انا نادر يا وائل 
وائل .. ادخل يا نادر 
نادر مندهش لرؤية منظر وائل حيث يبدوا عليه الحزن الشديد وشعر ذقنه اصبح كثيف 
نادر .. ايه يا عم هو انت معتكف هنا ولا ايه !!
وائل .. تعالي يا نادر 
نادر يجلس بجوارة ع السرير 
نادر .. ايه يا عم وائل الحكاية ! هنفضل ع الحال ده لحد امتي ! فوق بقي احنا ورانا اشغال ومصالح ناس بقالها اسبوعين متعطلة !! 
وائل .. صدقني ماليش نفس لأي حاجة ولا عايز اشوف حد ولا عايز حد يشوفني 
نادر .. وده اكتئاب يعني ولا ايه !
وائل .. سميه زي ما تسمية 
وائل يشعل سېجارة ويسحب نفس عميق ويخرجه من انفه ونادر مندهش 
نادر .. الله .. ده احنا كمان بقينا ندخن سجاير اهوه!! وياتري سېجارة محشية ولا سادة !!
وائل .. يعني ايه !
نادر .. انا عاوز اعرف ايه اللي شقلب حالك بالشكل ده ! هتقولي عشان المرحومة مراتك .. هاقولك امك ماټت من سنه وبعد يومين نزلت الشغل عادي ولا عاوز تفهمني ان مراتك اغلي عندك من امك !
وائل .. الموضوع مش كده خالص يا نادر 
نادر .. اومال ازاي ! فهمني 
وائل .. انت فاهم كل حاجة !!
نادر .. قصدك الكلام اللي اتقال ساعة الحاډثة دي عادي جداا اعتبر نفسك مسمعتوش يا اخي 
وائل .. يعني ايه اعتبر نفسي مسمعتوش ! طيب والعقد العرفي اللي انا شفته بعنيا ! والاعتراف المكتوب ! ولا انت كمان عاوزني اعتبر نفسي مشفتهومش !
نادر .. شوف يا نادر علي ما اعتقد انت عارف ومتأكد من اخلاق مريم كويس وانها مش ممكن ابدا تعمل حاجة زي دي .. انا اللي مش جوزها ومعاشرتهاش زيك مش مصدق انها تعمل حاجة زي دي اصلا !!
وائل .. ما هو ده اللي هايجنني !! ان مريم ازاي تعمل حاجة زي دي .. ازاي !
نادر .. انت بتتكلم زي ما تكون اتأكدت ان الكلام ده مظبوط وحصل فعلا !!
وائل .. نفسي اتأكد بس مش عارف ازاي واللي مخليني هاتجنن اني لما واجهتها بالكلام ده لا هي انكرت ولا حتي اقرت !! 
وائل .. يعني ايه ! مريم تخوني انا وعايزني انسي الموضوع بالساهل كده ! لا يا نادر مينفعش الموضوع ده يعدي ببساطة كده .. لازم اعرف مريم خانتني فعلا ولا لا 
نادر .. وهتعرف ازاي ! 
وائل .. انا قررت اعمل DNA للولاد 
نادر .. ېخرب بيتك .. انت اټجننت رسمي خلاص !!
وائل .. ما انا لازم اعرف دول ولادي انا ولا ولاده هو زي ما بيقول في الاعتراف اللي كاتبة بخط ايده 
نادر .. اممم .. طيب ولو طلعوا ولادك هتعمل ايه بعد كده 
وائل .. هعمل ايه ازاي يعني مش فاهم !!
نادر .. يعني هتقفل الموضوع ده وتشيله بقي من دماغك !!
وائل .. مش عارف صدقني
نادر .. لا ما انت لازم تحدد موقفك من دلوقتي بصراحة بقي انا مش فاضي للتفاهات دي 
وائل .. تفاهات !!
نادر .. ايوه تفاهات .. لأن انا واثق ومتأكد زي ما انت واثق ومتأكد تماما ان مريم مراتك اشرف انسانه علي وجه الارض 
وائل .. ولما هي شريفة زي ما انت بتقول .. مين ده اللي كان معاها في العربية !! 
نادر .. يا اخي زميل ليها او عميل عندها في الشركة انت ناسي ان مراتك مهندسة ديكور وعندها عملا كتير اوي ومعظمهم رجالة كمان
وائل .. والزميل ده او العميل زي ما انت بتقول .. ! وازايز كانت بتعمل ايه جوة العربية!! والعقد العرفي والاعتراف اللي بأسمه !! انت بتتكلم عشان مش حاسس پالنار اللي انا فيها لأن مراتك بكل بساطة ست نضيفة 
نادر .. ومريم كمان نضيفة يا وائل ..صدقني
هي دي الحقيقة .. ولا المنطق ولا العقل يقولوا ان واحدة حجت بيت ربنا خمس مرات تعمل المصاېب دي كلها!! وقبل كل ده مريم كانت بتحبك حب جنون دي كانت بتغير عليك من الهوا الطاير .. بتغير عليك حتي من نفسك !! ازاي بس تفكر مجرد تفكير انها تخونك في يوم من الايام
وائل .. اتمني بجد ان دي تكون الحقيقة .. 
نادر .. طيب احنا هنعمل DNA وانا متأكد انه هيطلع سلبي 
وائل .. يارب يا نادر
ياارب .. مش عاوز اكره الولاد .. دول لو مطلعوش ولادي فعلا انا مش عارف ممكن اعمل ايه ساعتها 
نادر .. هيطلعوا ولادك يا وائل .. انا متأكد ان شاء الله 
وفي اليوم التالي يتم استدعاء وائل الي قسم الشرطة لمقابلة النقيب صلاح
وائل .. خير يا افندم 
صلاح .. اخبارك ايه يا استاذ وائل 
وائل .. الحمد لله ع كل حال 
صلاح يتنهد ويبدوا انه متردد ووائل يلاحظ ذلك فينزعج
وائل .. هو فيه حاجة حصلت تاني ولا ايه !
صلاح .. ايوه 
وائل .. معرفتوش مين اللي كان معاها في العربية 
صلاح .. التحريات بتقول انه مهندس بترول وشغال في الخليج واسمه طبعا انت عارفة .. اسمه عزت محمد الشربيني .. هو انت تعرف حد بالاسم ده 
صلاح .. اه .. ما انا قولتلك ع الحكاية دي قبل كده
وائل .. تمام 
صلاح .. والتحريات كمان بتقول انهم اتقابلوا اكتر من مرة قبل كده وكان بيتردد عليها كتير في الشركة بتاعتها وانها كانت بتخرج معاه كتير 
وائل .. بتخرج معاه فين !!
صلاح .. لا .. دي لسه بقي منعرفهاش .. تشرب ايه 
وائل .. ولا حاجة 
صلاح .. انا هاشرب قهوة .. تشرب قهوه معايا 
وائل .. ماشي 
صلاح يضغط الجرس فيدخل العسكري 
صلاح .. اتنين قهوه يابني .. 
العسكري .. تمام يا افندم 
صلاح .. انت عارف ان تقرير الطب الشرعي بيقول حاجة كمان 
وائل .. بيقول ايه !
صلاح .. بيقول ان المرحومة كانت حامل في ٣ شهور 
الكلمات تنزل كالصاعقة ع وائل ويبدأ يعرق 
صلاح .. ايه مالك عرقت ليه كده !
وائل مرتبك .. لااا ..لا لا .. لا مفيش انا لازم امشي دلوقتي 
صلاح .. انت لسه مشربتش القهوة وبعدين لسه مكلملناش كلامنا 
وائل .. معلش خليها حضرتك وقت تاني .. انا حاسس اني تعبت فجأة ولازم امشي
صلاح .. لا الف سلامة .. تمام زي ما تحب نتكلم بعدين .. اتفضل 
وينصرف وائل وبعد خروجه من القسم يحادث نفسه
ويعود مسرعا الي الفيلا وتقابلة دادا بثينة
بثينة .. احضرلك الغدا يا بيه 
وائل .. مش عاوز اټسمم .. الولاد فين !
بثينه .. فوق في اوضتهم 
ويصعد وائل الي الغرفة