حماتي وابن سلفتي

يبقي جنبك هخليه يجيلك يعني بطريقه مش مباشره
اميره بدموع
طب وليه حماتي عايزه تحرمني من الخلفه بجد انا مش قادره اصدق اللي حصل ده ده انا بخدمها بعينيا ومش مخليا حاجه نقصاها ومستحمله نكدها عليا وكل اللي بتعمله فيا وبقول معلش دي ست كببره تقزم تطلع هي السبب اني محرومه سنين من الخلفه
حنان
انا لسه راجعه من عند الدكتور وقال لي ان انا حامل انا عايزه لو جرى ليا حاجه تخلي بالك من بنتي او ابني الله يخليكي يا اميره انا مش هلاقي حد احن عليهم منك انتي
اميره
باذن الله هتكوني كويسه طب حاولي تنزلي الحمل ده ما ينفعش انك تعملي كده عشان لو في فرصه تتعالجي الحمل ده ما يمنعهاااش
حنان پبكاء
لا انا عايزه حاجه برده تفكروا بيها انا ما حدش في الدنيا كلها حب مصطفي قدي وعايزه اسيبله حتت عيل مني عشان ما ينساش حنان و ارجوكي انا عارفه ان انت كويسه وحنينه والله بس بالله عليكي اللي في بطني ده ما لوش ذنب حاولي تخلي بالك منه
اميره
طيب ما تقولي لمصطفى يمكن يكون في علاج او في اي حاجه يقدر يقف جنبك بيها عو اكيد مش هيتخلي عنك
حنان
للاسف ما فيش اي علاج وبالله عليكي خلاص مش عايزه اي حد يعرف حاجه الموضوع ده سر ما بيني وما بينك
_ وفعلا سمعت كلامها وفضلت شايله السر وروحت بيت ابويا. مصطفي جه ليا هناك
مصطفي
ما تعرفيش الحنيه اللي نزلت في قلب حنان ليكي تصدقي ده كلمتني اني اجي اقعد معاكي هنا شويه طول ما ابوكي تعبان على فكره البنت دي والله كويسه شكلنا كنا ظالمنها يا اميره
اميره
وانا عايزاك تكون ما بين هنا وما بين هناك وتخلي بالك منها اليومين دول وبالله عليك اكلها كويس وخليها تروح للدكتور
مصطفي
هو في ايه انت كمان انتم مالكم ايه اللي حصل لكم كده للدرجه دي بقيتو بتحبو بعض وكانكم اخوات وبعدين هو انتي عرفتي ولا ايه مع اني انا منبه عليها ما تجيبش سيره لحد دلوقتي خالص
اميره
هو انت ازاي اصلا عرفت ده مفهماني ان هي مش هتقول لي اي حد علي حاجه
مصطفي
يا بنتي زي ما هو انا الوحيد اللي لازم اعرف بموضوع زي ده امال هخلي بالي من حملها ازاي يعني بس انا والله كنت خاېف منك لما تعرفي
اميره
موضوع الحمل اه تمام ماشي ربنا يقومها بالسلامه يا رب وانت بقي كنت خاېف مني ليه
مصطفي
مش خاېف منك انا خاېف علي زعلك انتي عارغه ان انا والله كان نفسي يبقي اول عيل ليا منك انتي واني عمري ما حبيت قدك بس هو النصيب كده واطمني انا عمري ما هسيبك ولا هتخلي عنك ابدا
اميره
الحاجه اللي بتفرحك يا مصطفي بتفرحني انا كمان ويا عالم
احنا ما
نعرفش ربنا مخبي ايه بس انا حاسه انه هيجبر بخاطري قريب
وبعدها بشهرين رجعت البيت وحماتي اول ما شافتني قالت
الحما
اخيرا يا اختي حنيتي علينا وجيتي حلوه القعده عند ابوكي قوي علشان تفضلي طول الفتره دي هناك
اميره
انا لسه راجعه من عند الدكتور يا حماتي وما رضيتش اروح عند ابويا على طول جيت على هنا قولت انتي اول واحده لازم تعرف بالخبر ده
الحما
مالك يا اختي الف مليون سلامه وجاي على هنا ليه علشان لو في مصاريف ولا حاجه ابني اللي يشيلها ما تراعي ان مراته حامل ده انتي بت ما عندهاش احساس بربع جنيه
اميره
الكلمه دي تزعل يا حماتي هي مش مراته حامل هم مراتاته حوامل انا نسيت اقولك شكلي كده العقده اللي كانت عندي اتفكت عند ابويا
الحما اټصدمت وقالت
نعم نعم يا حبيبتي قصدك كلامك ان شاء الله اللي كان معمولك حاجه هنا ولا ايه هتتكلمي على طول
اميره
هي دي الف مبروك ده انا افتكرت ان اول لما اقولك ان انا حامل هتجري تاخديني في حضنك قوليلي اقعدي ارتاحي ما تعمليش اي حاجه
علي العموم مبروك ما انتي برضو هتبقي جدت النونو اللي في بطني ولو مش مبينه فرحتك فهي اكيد. جوه قلبك
وقبل ما ترد عليا طلعت عند حنان شقتها واول ما شافتها وقالت
حنان
ازيك يا حماتي عامله ايه مالك شكلك عامل ايه كده هو في حد زعلك