رسالة من زوجي

لقى تليفون جوزك وعايز ينصب عليكي في كام جنيه .
لم أرد والضابط نظر نحوي ولما شاف حيرتي وقلة حيلتي قال 
أنا مقدر الحالة اللى انتي فيها ... ربنا يصبرك ... بس اللى أقدر أعمله إني أعملك محضر إزعاج أو ابتزاز إلكتروني لو حابة .
قلت 
طيب ولما أعمل محضر إزعاج إلكتروني هتعملوا إيه بعد كده 
أجاب 
انتي اللى هتعملي .. انتى هتجاريه فى الكلام طالما هو طالب منك فلوس لحد ما تعرفي الطريقة اللى هيستلم بيها الفلوس ... لأن الطريقة هتكون إما تحويل بنكي أو انستاباي أو فودافون كاش أو تسليم يد ليد ... ساعتها تسيبي الباقي علينا .
قلت 
طيب عاوزه أشوف كشوف المتوفين والمصابين وأقابل المصابين .
ابتسم هاني بيه وقال 
الأسماء في كل مكان .. تقدري تشوفيها على النت فى صفحة وزارة الصحة ووزارة الداخلية... لكن تقابلي المصابين لازم صفة قانونية ...دا غير إن عدد المصابين كبير ... ومش كلهم في مستشفي واحدة ... مجموعة في القصر العيني والباقي فى مستشفيات الدمرداش سيد جلال الرحمة مصطفى محمود دا غير بعض الأهالي اللى طلبوا نقل مصابينهم لمستشفيات خاصة .. وأكيد فيه عدد لا بأس به من المصابين خرجوا دلوقتي لأن حروقهم كانت من الدرجة التالتة .
قلت بتوسل 
أنا هدور بنفسي بس محتاجة مساعدة حضرتك .
فكر قليلا ثم أشعل سېجارة وقال 
خلاص ده رقمي ... عند كل مستشفي كلميني واديني موظف الأمن وأنا هتصرف .
خلال 3 أيام كنت مسحت كل المستشفيات اى مستشفي أروحه كنت بدخل على موظف الأمن مباشرة وأكلم هاني بيه اللى بدوره كان بيكلم موظف الامن اللى كان بيطلعني على أسماء المصابين اللى مازالوا محجوزين وكنت بطلع أبص عليهم من شباك حجرات المستشفي وكنت في مستشفي الدمرداش فاقدة الأمل لما شفت الاسم قدامي اسم نادر سعيد التاجي لم يكن الاسم سوي اسم جوزي معني كده إن جوزي عايش ومحجوز هنا في المستشفي طيب ازاى منعرفش وازاى جوزي مطلبش من المستشفي إبلاغنا بوجوده هنا المهم بسرعة أخرجت صورة من قائمة المتوفين وبدأت أقرأ الأسماء من الاول وعند الاسم رقم 9 دقات قلبي ازدادت تسارعا لما قرأت اسم نادر سعيد الناجي ايوه كده مظبوط اللى تم دفنه هو نادر سعيد الناجي مش التاجي ونادر سعيد التاجي جوزي عايش ومحجوز هنا فى المستشفي اللى كتب الاسم في قائمة المفقودين كتب التاجي بدل الناجي ودا اللى جاب اللخبطة دي طلبت من موظف الأمن يطلع معايا كنت متوترة وكل أعصابي شاردة مني وأنا بصعد للطابق الرابع في المستشفي ولما موظف الأمن دخل قدامي لغرفة المړضي لقينا السرير عليه واحده ست موظف الأمن مال ناحية الممرضة المقيمة وقال 
الحالة تبع هاني بيه رئيس مباحث حدايق القبة .
وأكمل كلامه قائلا 
مش هنا كان محجوز الأستاذ نادر سعيد التاجي .
قالت الممرضة 
هو كان مصاپ تبع حريق شركة المجمع بس المړيض هرب .
قلت بلهفة 
هرب ازاي 
أجابت 
مكنش فى النبوتجية موعد العمل بتاعتي ...أنا كنت في وقت راحتي .
قلت 
طيب هو اسمه نادر سعيد التاجي 
أجابت 
المفروض .
قلت في
ڠضب وانفعال 
ازاى المفروض 
أجابت 
هو متحول هنا باسم نادر سعيد التاجي ...بس هو كان فاقد الذاكرة ومكنش فاكر اسمه ولا عنوانه ولا أي حاجة عن نفسه .
قلت بعدما ابتلعت ريقي 
أوصفيه 
لما الممرضة وصفته كانت بتوصف كل مواصفات زوجي .
الفصل الثالث. رواية رسالة من زوجي المېت 
لما الممرضة وصفت الشخص اللى هرب من المستشفي كانت بتوصف جوزي سرحت فى خواطري وفضلت أفكر جوزي أثناء الحريق تم نقله هنا باسم واحد تاني عن