رسالة من زوجي

وهاني بيه بنوصل السيدة كوثر بعد ما فاقت إلى بيتها وأصريت إني أقعد معاها شوية الموضوع كان صعب عليها أوي وعرفت إن المرحوم هو ابنها الوحيد وكان عايش معاها في نفس الشقة فضلت أواسي فيها وقلتلها أنى هكون معاها وإني زي بنتها وإن هاني ابن حلال ومش هيتأخر عنها في اى حاجة لو احتاجت اى مساعدة السيدة مكنتش عارفة ترد غير بدموعها وفضلت قاعدة معاها طول النهار لحد ما لقيتها تماسكت شوية وتركتها بعد ما وعدتها بزيارتها بشكل متكرر .
روحت شقتي وأنا بفكر في كل اللى حصل وبفكر في مهمة ازاى ألاقي جوزي طبعا خلال اليوم التالي عملت محضر فقدان زوجي والمستشفي عملت محضر هروب والنيابة بدأت تحقق مع موظفين رصد وكتابة أسماء المتوفين والمصابين أما تحقيقات الحريق شغالة من أول يوم لانها بتشك في شبهة تخطيط للحريق وبالليل وأنا سهرانة سمعت صوت إشعار من فيس بوك كان إشعار بوصول رسالة لقيت مكتوب 
صدقتي بقا إني عايش ..قلتلك عايش وهظهر فى الوقت المناسب .
وهنا افتكرت كلام هاني بيه لما قال دا أكيد واحد معاه تليفون جوزك وبيتسلي وعايز منك كام جنيه وافتكرت لما هاني بيه قال اني لازم اجاريه فى الكلام لحد ما اعرف طريقة تسليم الفلوس علشان الشرطة تقدر تعرفه ومهم إنكم تعرفوا إن الراجل المجهول ده بيكلمني على الماسنجر كتابة فقط لأن شركة الاتصالات قالت ان خط فودافوان اللى كان بستخدمه جوزي موقوف حاليا المهم كتبت 
عايز كام 
أجاب عن طريق الكتابة 
20 ألف جنيه .
فكرت شوية قبل ما أكتب 
مش كتير .
قال عن طريق الكتابة 
مش كتير على جوزك .
جوزي إيه يابن الكلب قلتها في سري بس كتبت له 
طيب هات رقمك أو حسابك البنكي وهبعتلك الفلوس 
وهنا كتب 
ههههههههههه اه مغفل أنا علشان اكتبلك رقمي ...الفلوس يا حبيبتي هتبعتيها بطريقة الجو .
كتبت مستفسرة 
الجو !!!
كتب موضحا 
خلال 48 ساعة تكوني جبتي نجار يعملك 4 قوائم من الخشب فوق سطح العمارة ويوم الخميس الساعة 1 الظهر كوني جمب القوائم الخشبية هتلاقى 10 حمامات جمع حمامة جاية من الجو تربطي في رجل كل حمامة كيس فيه ألفين جنيه من فئة ال 200 جنيه علشان ميبقاش تقيل على الحمام ...ودا طبعا بعد ما تطعمي الحمام وتشربيه لأنه روح وربنا أمرنا بالرحمة ...ولا إيه .
لما كلمت هاني بيه قلتله 
هو أنا ليه مجبرة ابعتله فلوس دا نصاب ومفيش خطړ منه جوزي كده كده فاقد الذاكرة وهرب يعني جوزي مفيش اى خطړ عليه من الراجل ده .
قال هاني بيه 
الراجل اللى بيهددك ده هو مفتاح القضية كلها هو اللى هيوصلني
لحل لغز الحريق أنا فعلا قلتلك إنه مجرد واحد بيتسلى لكن الموضوع طلع أكبر من كده .
سألته 
ازاي 
أجاب 
الشركة اللى تحرقت يملكها حسان بيه اللى ماټ في الحريق والمنافس الوحيد له هو غسان بيه وغسان بيه كان في الصعيد ساعة حدوث الحريق وكمان احنا منقدرش نستدعي غسان بيه الا لو معانا دليل لأنه راجل مش سهل وبيعرف يطلع من اى قضية بسهولة .
خلال الأيام التالية نفذت كل ما طلبه مني ووضعت الفلوس في أرجل الطيور لكن قمت بإضافة كاميرا صغيرة في حجم حبة الفول السوداني في رقبة واحدة من الطيور ودي كانت خطة هاني بيه .
تابعوني..