حكايتنا اليوم عن بنت عايشة عيشة السلاطين

حكايتنا اليوم على بنية عايشة عيشة السلاطين خدم وحشم وجواري وزين كبرت الاميرة ووصلت سن الزواج وماجا حد خطبها ولا شافها..
لين بوها السلطان حار فيها وقال بنيتي ما ناقصها شي  اميرة زين وفعل زعما علاه للحين ماجاها حد خاطب! لا امراء ولا ولاد وزراء ولا اعيان ولا ولاد تجار  تقول مايعرفوش عندي بنية ماشاء الله عليها !!!! وقال حتى الوزير متاعي ماعندوش ولاد كان هذا نجبره يزوجها لواحد من  ولاده . 
وفي يوم من الايام نادي السلطان الوزير وقاله دبر عليا ياوزير بنتي كبرت ونتاجها كلهم تزوجوا وبنت السلطان الوحيدة ماحب حد يجي يخطبها وش ندير 
قاله الوزير ياسيدي السلطان ماتخافش اكيد مكتوبها مازال!! قاله السلطان بالله فكني من خراف العجايز اما مكتوب متاعك!!
ومرت ايام وكل فترة  السلطان يجبد الموضوع للوزير والوزير يقول للسلطان ياسيدي مكتوبها ماجاش !!! وفي يوم السلطان جبد لحكاية  للوزير و لما الوزير قاله مكتوبها قاعد ماجاش قاله خلاص ياوزير الان انا وياك نمشو ندورو علي مكتوب بنتي لامتى نستنوه 
الوزير حار وقاله ياسيدي المكتوب هو اللي يجي كيفاه احنا نمشوا ندوروا عليه
و السلطان كلمة وقالها ومايحبش يتراجع فيها قاله قټلك نمشي نفتش علي مكتوب بنتي الوزير ماعنده غير الطاعة والتنفيذ جابوا الخيل وركب هو والسلطان وراحوا يفتشو علي مكتوب الاميرة ومشاو مشاوا حتى وصلوا تحت جبل يشوفوا في راجل شيباني لحيته مثل سبايك الفضة وطويلة قريب توصل لبطنه وفي ايده قلم وعنده ورق يقص الورقة ويكتب فيها كليمتين ويقول هذا مكتوب فلانة بنت فلان وينفخ فيها اطير في الهواء وبعدين ياخد ورقة تانية ويقصها ويكتب عليها ويطيرها ويقول هاذي مكتوب فلانة بنت فلان وقف السلطان وقال لوزيره اساله علي مكتوب بنتي قوله مكتوب فلانة بنت السلطان  الفلاني نزل الوزير من علي حصانه ومشي لهذاك الراجل وقاله باغي نسألك علي مكتوب فلانة بنت السلطان الفلاني قام الشيباني راسه  وشاف فوق الجبل وقاله شفت المرأة البدوية هديك فوق اللي تجمع في الحطب هاديك كي تولد ولللي تولده هو اللي ياخد  بنت السلطان... مشي الوزير للسلطان وقاله قالك هديك المرأة اللي تجمع في الحطب فوق تجيب ولد ووليدها يتزوج الاميرة!!! السلطان طارتلو وعيونو ولاو حمر وقاله واش!!! انا السلطان وماادراك ماالسلطان بنتي الوحيدة ياخدها ولد امرأة بدوية فقيرة تلقط في الحطب وزيد بنتي تبقى تستنا سنين حتى يكبر الولد !!
قاله الوزير ياسيدي السلطان مكتوب !!
قاله السلطان الان تمشيلها وقطعلها راسها خلي ټموت ونرتاح من لمصېبة اللي تجيني وتاخد بنتي مني وانا نمشي للقصر الحقني!!  وطبعا امر السلطان ماليه الا الطاعة ...
مشا السلطان في حاله والوزير ركب للجبل ووصل المرأة  لقاها مطبسة تجمع في الحطب طلع سيفه وقټلها