حكايتنا اليوم عن بنت عايشة عيشة السلاطين
!! ماټت في مكانها وبعد مامشي شوية قال في خاطره الله غالب السلطان امر وما عليا الا الطاعة!! المسكينة اللي ماټت من غير ذنب علي الاقل خلي نذفنها باش ماتاكلهاش الذيبة والضباع في الجبل ولى ودور حصانه ورجعلها يدفنها لقي تحتها طفل صغير يبكي قدرة الله من غصرة المۏت ولدت المرأة الوليد وطلع حي. قال الوزير سبحانك ياربي مااعظم شانك وحفر قبر ډفن فيه المرأة والطفل لفه تحت دراعه وركب بيه عالحصان و رجع لمدينة السلطان مشا لقصره وخش علي مرته وهي مرته كانت ماتجيبش لولاد وقالها يامراء صيحي وقولي يارسول الله قټله علاش واش كاين قالها الان اركبي فوق السرير وصيحي ونادي للخدم وقاللهم امشوا الان نادوا القابلة وقولولها مرت الوزير تتوجع وتولد وحط الوليد تحت رجليها والمرأة قعدت تصيح وتنادي ياربي سهل عليا والخدم والناس فرحانة اخيرا مرت الوزير بعد سنين ربي حن عليها وجت القابلة ومرت الوزير قټلها الوليد برحمة ربي طلع بروحه قبل ماتلحقي خدات القابلة الوليد وقصتله صرته وغسلتله وبدلتله وهدوك الناس فرحانيلها مرت الوزير جابت وليد بعد سنين حن عليها ربي والحكاية ولت علي كل لسان. سمع السلطان بالحكاية نادى وزيره وقاله حق زوجتك رزقها ربي بوليد بعد هالسنين ماقلتليش حامل!! قاله الوزير اي نعم ياسيدي عطا ربي وقدرته بعد ماقريب يأسنا المدة الاخيرة بطنها بدات تكبر وماكناش نعرفو انه حمل واهي الحمد الله ربي رزقنا بوليد رحمة ربي كبيرة.
وقعد هداك الوزير يربي في هداك الوليد شوية شوية كبر وبدي يمرد وبعدين يشد مع الحاجة ويمشي وكبر وخششه للكتاب وجابله مدرس يدرب فيه عالفروسية ولا فارس وعزري ماشاء الله عليه وفي يوم من الايام شافه الملك بعد كبر قاله ماشاءالله علي خلق ربي سماحة وشباب
وخلق وفروسية وبعدين قال للحرس نادولي الوزير !! جي الوزير قاله السلطان بنتي الاميرة وحيدتي وهيا بتورث من بعدي الحكم واحنا في عرفنا المرأة ماتحكمش الراجل اللي يحكم وانا مالقيتش خير من ولدك نسب وجاه وسماحة وفروسية وش رايك تزوجه بنتي الاميرة ويورث الحكم منبعدي!! قاله الوزير يازينك كلام.
وجابوا الشيخ وعزموا الوزراء والاعيان والتجار ووليمة عشاء لكل اهالي المدينةعرس الاميرة علي ولد الوزير والناس كلها فرحانة وتبارك وبعد
ماتم العرس وتلاقوا العرسان ودخل العريس وجي الوزير يهني في السلطان وقاله ياسيدي السلطان قټلك مكتوب!! تعجب السلطان وقاله واش مكتوب قاله ياسيدي السلطان اعطيني الامان !! قاله عليك الامان تكلم قاله تذكر ياسيدي السلطان لما مشينا للشيباني وسالناه علي مكتوب الاميرة وقال المرأة الفقيرة اللي تحطب فوق الجبل تولد وليد وهدا الوليد يكبر ويتزوج بنت السلطان وانت قتلي اقټلها!! قاله ايه نتذكر وحكاله الحكاية من اول ماجابه حتى كبر وتزوج الاميرة
السلطان تفاجأ وقعد يشوف للوزير قاله الوزير ياسيدي السلطان المكتوب على الجبين يجي يوم ولازم تشوفه العين.
وخلاصت حكايتنا وان شاءالله تكون عجبتكم تصبحون على خير
