سلفتي بتحب تبينلي
سلفتى بتحب تبينلى دايما انها هى اللى ممشيه الكل على كفها سواء جوزى او حماتى او اخت جوزى
دايما تقولى بصيلى واتعلمى منى وتتعمد امام جوزى انها تبين اد ايه هى ست بيت شاطره وموفره وجوزى يبدأ يعمل مقارنه بينا ولما نطلع الشقه يفضل يقولى ليه مابتعمليش زى عزيزه
كانت حنان واقفة في المطبخ بتغسل المواعين وسرحانة في كلام عزيزة اللي لسه رانه في ودنها بصيلي واتعلمي مني يا حنان.. ده أنا مجدي وماما مابيرتاحوش إلا في وجودي، وفجأة حست بظل مجدي وراها. لفت وشها لقته ساند على باب المطبخ وبيبص لها بنظرة فيها لوم وعتاب كالعادة.
شوفتي عزيزة يا حنان؟ مجدي قالها وهو بيعدل لبسه، الست دي بجد مريحة، البيت عندها بيبرق وموفرة في كل حاجة، ومع ذلك الكل بيعملها ألف حساب، حتى أمي واختي مابياخدوش خطوة إلا برأيها.. مش فاهم ليه دايمًا حاسس إنك بعيدة عنهم، وليه دايمًا مصاريفنا أكتر من ميزانيتها بكتير؟
حنان سابت اللي في إيدها ونشفتها في الفوطة ببطء وهي بتحاول تكتم صړخة جواها، وبصتله وقالت يا مجدي، عزيزة بتعرف تفرش الملاية وتتكلم، بتعرف تبين إنها شاطرة وموفرة قدامكم، لكن أنت ماتعرفش هي بتعمل إيه من وراكم، ولا بتوفر منين وعلى حساب مين.
مجدي نفخ بضيق ورد وهو خارج من المطبخ أهو ده اللي فالحين فيه.. حجج وخلاص، ياريت بدل الكلام ده تقعدي معاها شوية وتتعلمي منها إزاي تمشي البيت وتمشي الكل على كفها زي ما هي بتعمل.
طلعت حنان وراه الشقة وهي حاسة إن صبرها بدأ ينفد، وخصوصًا لما دخلوا أوضتهم وفضل مجدي يكمل وصلة المقارنة عزيزة بتقولي إنها جابت طقم لولادها بنص التمن اللي أنتِ جبتي بيه، وكمان بتقول إنها هي اللي بتصالح أختي على جوزها.. أنتِ فين من كل ده؟ ليه عزيزة هي اللي شايلة العيلة وأنتِ مجرد ضيفة؟
حنان قعدت على طرف السرير وبصتله بتحدي طيب يا مجدي، لو عزيزة هي الست المثالية في نظرك، أنا من بكرة هسيبلك الإدارة ليها، وخلينا نشوف الشطارة دي هتودينا لفين.
عزيزة في الوقت ده كانت قاعدة في شقتها، ماسكة تليفونها وبتبتسم بانتصار وهي بتسمع صوت خناق حنان ومجدي اللي واصل لحد عندها، وقررت إنها بكرة لازم تعمل تاتش جديد قدام الحما عشان تثبت فعلًا إن حنان خايبة وما بتعرفش تتصرف.
الكاتبه_امانى_سيد
تاني يوم، حنان صحيّت بدري قبل مجدي، وحست إن النهارده لازم تبين موقفها بدل ما تسيب الأمور لعزيزة تمسح كل خطواتها. دخلت المطبخ وبدأت ترتب وتحضر الفطار بطريقة مختلفة، بس مش علشان تقلّد عزيزة، لأ علشان تحسّن نفسها قدام عيلتها قبل أي حد تاني.
مجدي دخل وهو شايل نظرة شكّ، وبصّ لها وقال إنتِ بتعملي إيه يا حنان؟!
ابتسمت حنان بثقة وقالت بصراحة يا مجدي،
