خبيت علي جوزي

عيد جوازي! إزاي تسحب المقدم؟
هاني كان واقف في البلكونة وبصوت هادي
يا سوزي، مايا اترفدت، ومحتاجين كل قرش.
وأنا مالي إنها اترفدت؟ هي أصلاً كانت بتكسب إيه من شغلها التعبان ده؟ أنت أخويا ودلوقتي بتستخسر فيا هدية بسيطة؟!
مش استخسار، بس مفيش سيولة دلوقتي.
مفيش سيولة إزاي وأنت بتقبض 5000 كل شهر، بتروح فين الفلوس دي؟
قسط البيت، فواتير، جمعيات..
بلاش رغى كتير! سوزي زعقت، أنا مش هسكت يا هاني، ويوم السبت في عشا العيلة لازم تيجي. وقفلت السكة.
هاني فضل واقف في البلكونة مبيتحركش. كنت سامعة كل كلمة. رحتله واديتله كوباية مية
ممكن م نروحش يوم السبت؟
هز راسه وهو بيشرب
ماما هتزعل لو مروحناش.
مردتش عليه. فتحت موبايلي التاني وشفت الرصيد 10 مليون جنيه..
قلت في سري السبت جاي.. وهاخد معايا هدية صغيرة.
السبت الساعة 5، في شقة سوزي. شقة 150 متر أشرف اشتراها السنة اللي فاتت بقسط شهرى
أول ما دخلنا، سوزي كانت قاعدة على الكنبة، عاملة شعرها وضوافرها ولابسة غويشة ذهب رفيعة. بصتلي من فوق لتحت
أهلاً يا مايا. شكلك رايق أوي، مش باين عليكي خالص إنك اترفدتي.
هاني كشړ سوزي!
إيه؟ أنا غلطت؟ مش مراتك اترفدت؟
ماما إلهام طلعت من المطبخ بطبق مكسرات وقالت لسوزي خلاص بقى يا سوزي، سيبيهم ياكلوا. وبعدين لفت ليا وقالت وهي بتتنهد
معلش يا مايا، متزعليش من أخت جوزك، هي طول عمرها صريحة. شوفي جوزها أشرف، فتح مراكز سبا و حوش فلوس كتير السنة اللي فاتت. وأنتي بقالك تلات سنين وفي الآخر اترفدتي في ثانية.
يا ماما، الموضوع مش كدة..
أنا مش بقول إنك وحشة، ماما شاورت بإيدها، أنا بس بقول شدي حيلك. متقعديش في البيت، دوري على شغل بسرعة. مش حلو إن هاني يبقى لوحده اللي بيشيل الشيلة.
أشرف طلع من المكتب لابس قميص شيك
ماما عندها حق يا مايا. الدنيا صعبة، بس الشغل موجود. لو ملقيتيش حاجة، تعالي اشتغلي عندي ريسبشن استقبال في السبا، أنا محتاج حد.
بصيتله.. عايزني أشتغل ريسبشن عنده.
هاني حط المعلقة من إيده
يا أشرف، كفاية. مايا هتلاقي الشغل اللي يناسبها.
أنا بس بعرض خدمة، أشرف ضحك ببرود، يلا كلوا كلوا.
العشا خلص في 40 دقيقة وأشرف اتكلم عن خطة التوسع بتاعته مرتين. وماما

تنهدت خمس مرات. هاني متكلمش خالص، بس طول الوقت كان ماسك إيدي تحت التربيزة بيطمنّي.
وإحنا راجعين في العربية، قالي متشغليش بالك بيهم.
بصيتله أنت مش بتزهق؟
اتعودت.
تاني يوم، سوزي نزلت ستوري على فيسبوك. صورة عقد من براند معروف سعره 50 ألف جنيه وكتبت
هدية عيد جوازي من حبيبي. أغلى بكتير من الهدية اللي ناس تانية رجعوها. في ناس عندها أخوات ميتسندش عليهم، بس الحمد لله جوزي دايماً سندي. مباركة
اللايكات كترت. واحد زميل هاني بعتله سكرين شوت للصورة. هاني شافها وقفل الموبايل
متبصيش عليها.
أختك اللي منزلة ده.
مردش ومسك الموبايل مني قلتلك متبصيش.
أنت مش