وسط القش عجوز وابنتها يضعوا طفلتين وسلسله بجانبهم والسر بقلم الكاتبة هويدا زغلول

وسط القش عجوز وابنتها يضعوا طفلتين وسلسلة بجانبهم والسر
وقبل ما نبدأ حكايتنا اعرفكم علي بطلة قصتنا واسمها ابتسام عندها 25 سنه وكانت بتشتغل في بيت هي وامها وفي قالت لأمها
ابتسام
انا تعبت من الشغل هنا ياما وعايزه ارجع بلدنا انا مش مرتاحة
الام
وهنروح البلد لمين بس يا ابتسام بعد البيت ما راح يابنتي بس
ابتسام
والله ياما احنا لو لقينا عشه وعشنا فيها بعيد عن الهم ده يبقا أحسن
الام
وهناكل منين ونعيش ازاي قولي لي بقا يا بنتي خلينا بقا عايشين ساكتين واحنا بتاكل لقمتنا بالحلال وخلاص بقولك ايه روحي الست هانم صحيت ولا لسه
ومشت ابتسام والام قالت لنفسها
الام
يا عيني عليكي يا بنتي كان نفسك تعيشي زي اي بنتك ماهي عايشه حياتها بس عشتي في الهم من صغرك
وعدت الايام وفي يوم الهانم قالت الأم العجوزه
شروق
بقولك ايه يا نعيمة انتي وابتسام عايزاكم تنضفوا البيت تنظيفه حلوه كده عشان عمر ابني راجع من السفر بعد بكرة
نعيمة
بجد يا ست هانم حمد الله على سلامته دى الدنيا كلها هتنور بيه والله حاضر احنا هنخلي البيت يلمع كده انا وابتسام بنتي
شروق
تمام يا نعيمة علي فكرة أنا عندي شويه هدوم قديمه كده ابقي خلي ابتسام تطلع تاخدهم هينفعوها
نعيمة
كتر خيرك بايت هانم والله ربنا يبارك فيكي أنتي وكل حبايبك
وبعدها نعيمه دخلت الاوضه إللي بتنام فيها هي وابتسام وقالت لأمها
ابتسام
قال هدوم قديمه قال ومين قالك ياما اني هلبس هدوم الست شروق انا مش عايزة منها حاجه خالص وأنتي ياما متقوليش أخد منها حاجه ابدا انتي سامعه
نعيمة
يعني هي الست كتر خيرها يا ابتسام يعني ده جزاها أنها شيفاكي
ابتسام
لا انا بقى مش عايزاها تشوفني خالص ياما خليها تبعد عني
نعيمة
طول عمرك راسك ناشفه اوي ربنا يهديكي يا بنتي يارب
وبعدها عدت الايام ورجع عمر من السفر وأمه قالت له
شروق
حمد الله على السلامه يا حبيبي البيت نور لا دى الدنيا كلها نورت
عمر
الله يسلمك يا ماما وحشتيني اوي ومصر وحشتني اومال فين بابا هو لسه ما رجعش من الشركة ولا ايه
شروق
ايوه هو في الشركة وزمانه راجع تعالي بس انت تعالي كده واحكي لي علي السفر وعملت ايه هنآك وكده
عمر
هاقولك ايه بس ولا ايه يا ماما هناك كل حاجه حلوه وعيشه فله بس أنتي عارفاني مش بحب الاوبن مايند والستات كلها هنآك كده وانا اتخنقت من كده
شروق
يا حبيبي بقو في كل مكان كده حتى عندنا في مصر هنا برضو يعني هتشوفهم هههههه
عمر
لا لا أنا عايز انضف عنيا من الحاجات دي عايز اشوف الناس المحترمه
وفي الوقت ده دخلت ابتسام وحطت القهوه وعمر قال
عمر
طيب ما هي ابتسام مثال البنت المصريه المحترمه الأصيلة
ابتسام
ربنا يجبر بخاطرك يا عمر بيه والله تسلم يارب
شروق
خلاص يا ابتسام انتي هتشحتي ولا ايه روحي شوفي شغلك اتفضلي
ودخلت ابتسام المطبخ وقالت لأمها
ابتسام
هي الوليه اللي إسمها شروق دى مش ناويه تجيبها لبر معايا هي عطول حاطه عالي اوي كده ومش شيفانا دي وليه بنت لذينه بصحيح
نعيمة
انا عايزة اعرف هي الست هانم بتعمل ايه عشان أنتي تقولي كده عليها يا بنتي بطلي كلامك ده يا ابتسام احنا عايزين ناكل عيش وبس
ابتسام
وأنتي مش همك أي حاجة في الدنيا غير أننا عيشنا ما يتقطعش صح خلينا بقا طول عمرنا عايشين زي العبيد وخلاص بقولك ايه يا ما انا هنام احسن قبل ما تشل منك
وبعدها رجعت كمال ابو عمر وقاله
كمال
حمد الله على السلامه يا حبيبي ده إيه النور ده كله ايه يا عمر انت يا