وسط القش عجوز وابنتها يضعوا طفلتين وسلسله بجانبهم والسر بقلم الكاتبة هويدا زغلول

بني رحت وقولت عدو لي ولا ايه
عمر
ما انت عارف يا بابا الدراسة بقا وكده اعمل إيه يعني المهم الشركة فيها مكان ليا ولا هتقولي ملكش مكان عندنا
كمال
ازاي بقي يا حبيبي دي الشركة كلها تحت أمرك يا عمر انت بس تروح بكرة تستلم شغلك فيها ومكتبك وكل هيبقى تمام
شروق
بقولك ايه يا كمال إحنا هنعمل حفله بمناسبه رجوع عمر بالسلامة إيه رأيك انا عايزاك وتعمل ليله محصلتش
كمال
اكيد طبعا يا شروق انا هعمله احلى ليله ده ابني الغالي ده
وفعلا عملوا الحفلة وكانت فيها ناس كتير وابتسام قالت لأمها
ابتسام
شوفتي الناس اللي عايشه ياما انا بقا نفسي ابقي زي الناس دى كده نفسي احس اني عايشه عيشه حلوه مش خدامه
نعيمة
لا اله الا الله يا بنتي انا هفضل اعيد وأزيد في الكلام معاكي كده كتير بقولك ايه انا تعبت من الكلام الكتير ما تروحي تشوفي شغلك
ابتسام
بقولك ايه أنا واقفة أتفرج على الناس ولاد الزوات دول روحي أنتي شوفي هتعملي ايه
وفضلت ابتسام واقفة لحد لما كمال قالها
كمال
واقفة عندك بتعملي ايه يا ابتسام في إيه اول مره تشوفي ناس زي دول ولا ايه مالك
ابتسام
هااا لا لا ابدا يا كمال انا بس واقفة أتفرج علي الحفلة وبعدين يعني هم انا مشبهش الناس دى ولا إيه طب بزمتك انا لو لبست فستان زيهم كده مش هبقا أحلي منهم
كمال
الصراحه هتبقي احلى بكتير منهم وده انا واثق منه جدا
ابتسام
طيب وليه بقا الست شروق بتعاملنا كأننا من قاع المجتمع ليه هي بتعمل كده
كمال
لا مش معقول يا ابتسام بقا شروق بتعاملكم المعاملة دي ازاي دي حتي بتحبكم جدا
ابتسام
لا يا كمال بيه ده قدام حضرتك بس الكلام ده إنما هي ىتكرهنا كره العمي
كمال
لا خلاص انا هتكلم معاها وأشوف حكايتها إيه
ابتسام
ااه وانت بقا يا كمال بيه لما تتكلم معاها هي كده هتسبني دي مش بعيد ترمينا انا وامي في الشارع بالله عليك يا بيه بلاش نجيب لها سيرتي خالص
كمال
خلاص يا ابتسام انا مش هاقول حاجه طالما انتي عايزه كده يلا بقا روحي شوفي شغلك أحسن هي تيجي وتشوفك بنفسها يلا بسرعه
ابتسام
حاضر اديني رايحه اهو بس خود بالك اوعي تقع بلسانك قدامها يا كمال بيه عن اذنك بقا
وفضلت ابتسام تدلع قدامه وهو قال لنفسه
كمال
البت ابتسام دى طلعت حلوه اوي أول مرة أخد بالي منها إيه اللي انا بقوله اعقل يا كمال إيه اللي انت بتقوله ده لو شروق سمعتك هطين عيشتك
وبعدها الحفلة خلصت و شروق وكمال كانوا في اوضتهم وقالت له
شروق
الحفلة النهاردة كانت حلوه اوي يا كمال بجد الناس كلها كانت مبسوطه اوي بيها شكرا يا حبيبي لانك عملتها زي ما انا عايزة بالظبط
كمال
انا اعمل اي حاجه عشان خاطرك يا شروق هو انتي فاكره لما تطلبي مني طلب انا هتأخر عنك لا طبعا أنا مقدرش
شروق
طيب يا حبيبي يلا تصبح على خير
كمال
ايه ده ايه اللي أصبح علي خير دي لا لا احنا لسه هنسهر سوا ما تيجي نقول كلمتين كده لوحدنا
شروق
بقولك ايه انا تعبانه ومش قادره الي انت عايزة ده نام بقا لو سمحت يلا نام
كمال
بقا دي اخرتها وده اللي باخده منك كل يوم تعملي نفس اللي بتعمليه ده مافيش فايده فيكي
شروق
انا اللي مافيش فايدة فيا ولا أنت اللي مش بتفكر في حاجه غير في كده وبس راجل بصحيح بقولك إيه يا كمال انزل الجنينه وشم لك شويه هوا لو
أنت مش جاي لك نوم يلا وطفي النور
كمال
حاضر يا