وسط القش عجوز وابنتها يضعوا طفلتين وسلسله بجانبهم والسر بقلم الكاتبة هويدا زغلول

شروق انا فعلا هنزل الجنينه اشم شوية هوا يا ساتر منك يا شيخه
وفعلا نزل الجنينه وابتسام شافته وهو رايح علي الجنينه وفضلت مرقباه وبعدها لما اقعد شويه هي راحت وقالت
ابتسام
احم احم ااا هو حضرتك هنا يا كمال بيه خير هو مافيش نوم ولا ايه ده النهار قرب يطلع
كمال
اه يا ابتسام مافيش نوم وبعدين أنتي ايه إللي مصحيكي لحد دلوقتي مش المفروض انك ترتاحي بعد تعب الحفلة بتاعت بالليل دي
ابتسام
والله يا كمال بيه انا مش جاي لي نوم خالص وقاعده بفكر كده مع نفسي لقيت حضرتك خارج الجنينه قولت اطمن علي حضرتك
كمال
فيكي الخير والله بس عشان انتي لازم تريحي شويه قبل ما تصحي علي شغل الفيلا ولا إيه
ابتسام
عادي يا كمال بيه مبقتش تفرق معايا خلاص انام اصحي كله محصل بعضه انا بس قلقانه عليك أنت اقصد يعني قلقانه علي حضرتك
كمال
ما قولتلك انا كويس يا ابتسام خلاص بقا روحي نامي يلا اتفضلي انا عايز اقعد لوحدي مع نفسي شويه
ابتسام
حاضر انا هسيبك تقعد مع نفسك يمكن ده يريحك تصبح على خير طيب مش عايزني اعملك اي حاجه تشربها ولا حاجه انت بس تؤمر
كمال
لا مش عايز حاجه وبطلي اهتمامك الزاييد ده يا ابتسام ارجوكي
ابتسام
وهو وحش يعني يا كمال بيه ولا وحش علي فكرة أنا بحس بيك وببقا عارفه امتي بتبقي متضايق وأمتي بتبقا فرحان
كمال
يا سلام طيب وانا دلوقتي متضايق ولا فرحان
ابتسام
متضايق طبعا اومال انا بقولك انا قلقانه عليك ليه وقلقي واهتمامي ده عشان اااا يعني حضرتك احن قلب في الدنيا
كمال
بقولك ايه بطلي رغي وروحي نامي يا ابتسام تصبحي علي خير
قال كلامه وسبها وطلع اوضته وهو عمال يفكر فيها جدا ومش عايزة تروح من باله أبدا وهي كمان فضلت تفكر فيه وتاني يوم الضهر نزلت شروق وقالت
شروق
بقولك ايه يا ابتسام انا رايحه النادى والبيه الكبير لو صحي ابقي اعملي له الفطار وخليه يفطر
ابتسام
من عنيا يا ست هانم طيب هو عمر بيه كاس النهاردة ولا حاجه عشان نعمل حسابه في الغدا
شروق
لا لا هو مش راجع دلوقتي هو هيفضل كام يوم في الساحل وأنا مش هتغدى هنا انا هتغدي في النادى يلا سلام
ومشيت وابتسام قالت بفرحه
سلام يا ست هانم ولا وخلي لي الجو معاك يا كمال بيه وهاشوف بقا انا ولا الهانم مراتك دي
وبعدها جهزت ابتسام الفطار وقالت لأمها
ابتسام
انا طالعه اودي الفطار ده لكمال بيه ياما ومش هتاخر
نعيمة
ماشي يا بنتي بس منتاخريش عشان تجهزي معايا الغدا
ابتسام
ماهو مافيش حد هيتغدي هنا في البيت كةهم بره ومافيش غير كمال بيه واكيد مش هياكل لوحده علي العموم انا هاشوفه برضو هو هيعمل ايه
وخدت الأكل وطلعت له فوق وقالت
ابتسام
صباح الورد والياسمين والفل يا كمال بيه إحنا بقينا بعد الضهر قوم بقا
كمال
صباح الخير يا ابتسام هو في إيه بقا انتي لسه كنتي معايا في الحلم اصحي الاقيكي قدامي غربيه أوي
ابتسام
اه ده هو حضرتك كنت بتحلم بيا ىجد طيب كنت بتحلم بأيه بقا استني بس الاول كل البيضة دى من ايدي واحكي لي
كمال
ياااه كمان هتاكليني بايدك يا ابتسام أنا مقدرش علي الدلع ده عمري
ابتسام
ومتقدرش ليه بقا ياسي كمال طب ده انت حتي ابو الدلع كله وهو والله
كمال
بطلي بكش وقومي روحي شوفي شغلك واعمليه يلا روحي
ابتسام
طيب انت متاكد أنك عايزني امشي من هنا واسيبك لوحدك يا كمال بيه
كمال بارتباك
هاااا اااا ااه روحي يا ابتسام وسبيني لوحدي ارجوكي
ابتسام
هو أنا كل لما اكون معاك تقولي روحي