رواية الترعة كاملة

وفي أركان الحيطة لمحت حجارة متعلقة بخيوط ده غير ريحة الأوضة اللي كانت هي مصدر ريحة البخور لأن كان في راكية فحم على ترابيزة في نص الأوضة وكانت من وقت للتاني بتفوح منها ريحة البخور
عيني فضلت مبحلقة في تفاصيل الأوضة لحد ما سمعت صوت بسطاوي وهو بيقول لي
غريب
في اللحظة دي بصيت له وقلت له
فعلا أنا مش من البلد
إيه مرادك
أخويا واكل حقي وعايز أنتقم
بص لي شوية زي ما يكون بيقلب كلامي في دماغه وقال لي
بسيطة كل المطلوب منك أطر أخوك ونشوف طلبات الأسياد إيه بعدها مرادك هيتحقق
أنت واثق من إنه هيتحقق
سألته السؤال ده لأني في الأساس ماليش أخ ولا في حد واكل حقي بس معرفش ليه مكنتش مطمن لما لقيته بيكمل معايا في الكلام واحد زي ده المفروض يقدر يكتشف إني بخدعه أو جايز كشف اللعبة وبيكمل معايا عشان هو اللي يخدعني في النهاية كل ده كان بيدور جوايا بس قطع تفكيري لما جاوبني على سؤالي وقال
ولو مش واثق إنه هيتحقق إيه اللي جابك من آخر الدنيا لحد بيتي!
فكرت في سبب مقنع ورديت عليه
مقصدش بس أنا جربت أكتر من حد ومفيش نتيجة
وده حصل عشان تيجي لحد عندي وتلاقي النتيجة اللي بتدور عليها
بصيت له واندهشت من الثقة اللي هو فيها وسألته
تحب أجيب لك أطر إيه بالظبط
ضافر خصلة شعر اللي إيدك تطوله وبعدها الأطر هيروح المكان اللي لازم يروحه
في اللحظة دي قمت من مكاني وأنا بقول له
النهارده هكون عندك بالأطر
بمجرد ما بدأت أتحرك من مكاني حسيت برعشة ضړبت جسمي وده لأني لمحت رجليه وهو قاعد لونها كان بني محروق ومش ده وبس اللي لفت نظري كفوف رجليه كان مكانها حوافر أشبه بحوافر التيوس وبمجرد ما أدركت ده حسيت إن جسمي تلج وقفت متنح لدرجة إنه أخد باله وقال لي
فيك حاجة يا أستاذ
عيني جت على رجليه من تاني المرة دي لقيت شكلهم طبيعي زي ما يكون عقلي الباطن خلاني أشوف شيء غير حقيقي بسبب اللي حصل معايا ولمجرد إني دخلت بيت دجال وبرغم كده جاوبت على سؤاله وقلت
أنا بس كنت بفكر هوصل للأطر إزاي
بعدها قام من مكانه ومشي قدامي عشان يوصلني وعلى الباب لقيتني بقول له
نسيت تقول لي طلبات الأسياد إيه
ساعتها ابتسم وقال لي
على ما ترجع لي أكون عرفت منهم بس تقل جيبك
بسطاوي إنه يسكن الترعة ويكون خادم السحر اللي يترمى فيها في مقابل إنه يستحوذ عليها ويستدرج الشباب اللي يختارها يعني قتل مع سبق الإصرار والترصد وبدون ما يكون في مچرم واحد يتم إدانته ولحد 
هنا الشيخ قال إن بسطاوي كان بيعمل أنواع كتير من السحر وكان بيستخدم الترعة في سحر اسمه سحر الحجارة يعني كان بيعمل الأسحار على حجارة عشان تفضل في قاع الترعة وميكونش في فرصة إنها تطفو أما الخبر الصاعق بقى اللي عرفناه من الشيخ هو إن أصلا بسطاوي ماټ من زمان وغرق في الترعة وده بسبب إنه مبقاش عارف يسيطر على الكيان اللي استحضره لدرجة إنه استدرجه زي ما بيستدرج الشباب وغرقه في نص الليل واللي اتجسد في هيئته هو قرينه اللي الكيان ده كان بيتحكم فيه عن طريق الطلاسم اللي في أوضة بسطاوي ساعتها اتفسر اختفاء چثة بسطاوي بعد الحريقة وبالنسبالي الكلام فسر ازاي ظهر لي زي ما قال في هيئة الحاج ياسين وظهر لعلي الله يرحمه في البيت لما كان السحر موجود ويا عالم كان بيظهر لمين تاني وفي هيئة مين ولأنه قرين وماكر مكانش حد قادر يفهم هو بيعمل إيه بس ربنا أراد إن الخيوط تتجمع على إيدي والحكاية تتعرف
ولأن زي ما أعرف إن القرين شيطان ماكر أكيد كان بيطلب من الستات اللي بتدخل البيت طلبات تغضب ربنا وكان بيستغل إن مفيش بعد الكفر ذنب يعني اللي داخلة بيت دجال ترتكب كبيرة زي السحر مش هيكون بعيد عليها ترتكب كبيرة تانية أنتوا عارفينها لكن زي ما الشيخ قال إن الڼار اللي مسكت في بيت بسطاوي حړقت الطلاسم اللي بالمناسبة مفعولها بينتهي پالنار يعني وقت الحريقة الطلاسم فسدت وتم انفصال قرين بسطاوي عن الكيان اللي في الترعة ده غير إن الكيان نفسه غادر الترعة لمجرد إن الطلاسم اللي كانت ربطاه بيها اتحرقت وده اللي خلى الشيخ يطلب من أهل البلد إنهم يبدأوا في تطهير الترعة بشكل طبيعي
مع زيارة الشيخ للبلد بدأت أشتغل في تطهير الترعة أجلت رجوعي وكنت مصمم إني أكمل لحد النهاية أهل البلد كانوا بيتجمعوا عند الترعة ومحدش كان بيروح بيته غير لما أخلص شغل كل يوم مشيت بالكراكة في الترعة بطول البلد طلعت حجارة ياما عليها سحر من اللي رماه اللي ميتسماش بسطاوي أو قرينه زي ما بقينا فاهمين والشيخ كان بيفك السحر اللي بيطلع أول بأول ومع كل سحر بيطلع كان في شخص بترجع له حياته الطبيعية أو واحدة بترتاح من مرض مش معروف سببه حتى الحجر اللي اتعمل عليه سحر بالأطر بتاعي خرج واتفك لحد ما نزت معلقة الكراكة في الميه ولقيتها طالعة بچثة حطيتها على الشط وأهل البلد اتجمعوا حواليها ولأن منظر الچثة بيقول إنها مېتة من زمان ومفيش غريق بيفضل تحت الميه طول الفترة دي فكلنا كنا عارفين إن دي چثة بسطاوي حتى الشيخ أكد على كلامنا ولحد هنا بقى معروف إن محدش من أهل البلد لطخ إيده بدمه بالعكس هو اللي اتسبب في مۏت نفسه وفي مۏت شباب كتير بالسحر اللي عمله بدون ما حد يعرف لأن أهل البلد كانوا فاكرينه دجال عادي زي أي دجال وميعرفوش إنه حول الترعة لمقپرة حجارة مكتوب عليها سحر بعد ما خلى الكيان اللي حضره يسكنها لدرجة إنها اتلعنت وبقت لعڼة على أهل البلد ولو استمرت كانت قضت عليهم بس مفيش شړ بيدوم للأبد في وقت محدد شوكة الشړ لازم تنكسر فيه
خلصت تطهير الترعة والدنيا رجعت لطبيعتها الأعمال اتفكت والميه بدأت تجري زي ما كانت قبل دخول بسطاوي البلد وقبل ما أمشي زرت قبر علي واترحمت عليه بعدها سلمت على الناس كانوا بيتعاملوا معايا على إني بطل قومي وزي ما أكرموني في الضيافة أكرموني في الأجر اللي أخدته وبرغم إني كنت رافض أي أجر واكتفيت بإني عملت خير ربنا جابه لحد بابي وساعدت في خلاص البلد من اللعڼة اللي فيها لكن إصرارهم كان أقوى من رفضي عشان كده أخدت الفلوس وحملت الكراكة والعوامة على التريلا لما وصلت وأثناء رجوعي في الطريق الحاج ياسين اتصل بيا وقال لي
لقينا غريق في الترعة من شوية ياأسطى عمار
قلبي وقع في رجليا وأنا بقول له
تاني يا حاج! هي مش الحكاية خلصت
خلصت طبعا بس المرة دي الغريق واحدة ست طليقة الحاج زياد ووالدة علي الله يرحمه في واحدة من أهل البلد قالت إنها شافتها بتحدف نفسها من فوق الكبري وصړخت عشان حد ينجدها لكن محدش لحقها وماټت يعني عاوز أقول لك إنها اڼتحرت ومغرقتش عشان السبب اللي في بالك
قفلت معاه التليفون وأخدت نفس عميق معرفش ليه حسيت بحزن شديد ناحيتها رغم اللي عملته البني آدم بيخضع لوسوسة نفسه وبترميه في التهلكة الخطوة اللي أخدتها زمان كانت كبيرة من الكبائر واتحولت لسبب في مۏت ابنها حتى ولو بشكل غير مباشر جايز لما عرفت سبب مۏته ضميرها بدأ يأنبها وحست بالخطأ اللي ارتكبته أو جايز حبت تنهي حياتها لما حكايتها انكشفت في كلا الحالتين نهايتها كانت ذنب كبير برضه الله أعلم ربنا هيغفره ولا لأ بس اللي حابب أقوله بعد ما الحكاية انتهت إن الطريق اللي تدخل منه بيوت الدجالين ويخليك ترتكب كبيرة زي السحر هيسهل عليك إنك ترتكب كبيرة ورا التانية وغالبا نهاية الطريق ده بتكون نهاية مغضوب عليها